🔸Bugun Institut binosida amerikalik olim, professor Korten ishtirokida «O‘zbekiston turizmini yangi kontent orqali targ‘ib qilish yo‘llari» mavzusida davra suhbati bo‘lib o‘tdi.
🔸Tadbirda Institut xodimlari, doktorantlar hamda professional gidlar ishtirok etdilar.
🔸Ma’lumot uchun: Professor Korten — tarix, tillar va ta’lim sohasiga chuqur qiziqishga ega bo‘lgan amerikalik olimdir. U Oksford va Kembrij universitetlarida tahsil olgan bo‘lib, universitet professori, xalqaro spiker, trener-o‘qituvchi hamda Oxford University Press bilan hamkorlik qiluvchi mashhur bloger sifatida samarali faoliyat olib borgan. Uning ijtimoiy tarmoqlardagi ta’limiy kontenti Instagram (@professor_korten) platformasida 800 000 dan ortiq, YouTube (@ProfessorKorten) kanalida esa 70 000 dan ortiq obunachilarni birlashtirgan.
🔸Davra suhbati davomida O‘zbekistonning turistik salohiyatini zamonaviy raqamli va kreativ kontent orqali targ‘ib qilish, yangi kommunikatsion yondashuvlar, kontent yaratishda innovatsion vositalardan foydalanish, shuningdek, amaliy tajriba va takliflar muhokama qilindi.
🔸Mazkur tadbir O‘zbekistonning turistik imijini xalqaro miqyosda rivojlantirishga qaratilgan dolzarb g‘oyalar va samarali yechimlarni muhokama qilish uchun muhim maydon bo‘lib xizmat qilаdi.
No comment